د احمد في Apr 6 2010, 11:06 PM كتب :
smile91 في Apr 5 2010, 10:32 PM كتب :
معرفش ليه بكره الميكرو رغم ان الكل شيفينه قسم كويس
طيب هو فى فرق بين المكيرو اللى بندرسه فى سنه اولى وبين اللى بتيدرسوا فى تالته ورابعه.
عمتاانا بفكر فى قسم حيوان كمياء بس كلهم بيقولوا انه صعب جداااااااااااااا
اكيد طبعا فيه فرق
لانك هتدرسي بتوسع اوى
ولو دخلتى حيوان وكميا هيبقي فرصك قليله في الشغل عن كميا وميكرو لانك هتشتغل بالكميا فقط
اما قسم الكميا والميكرو هو القسم الوحيد
للي ليه تطبيق في كلا التخصصين سواء الكميا او الميكرو
فعدنك الابلايد ميكروبيولوجست والابلايد كيمست
للي هو الميكروبيولوجى التطبيقي والكميائي التطبيقي والاتتنين يشتغلوا في مصانع كتير
وعندك الميدكال ميكروبيولوجيست والميدكال كيمست
اي الميكروبيولوجى الطبي وهو الخاص بتحاليل الميكروبات ودة يقدر يفتح معمل تحاليل خاص بتحاليل الميكروبات
وعندك في نفس الوقت الكميائي الطبي وهو الخاص بتحليل المواد الكيماويه في الجسم من انزيمات كلي وكبد ودلالات اورام وهرمونات الخ ودة يقدر يفتح معمل تحاليل خاص بالكميا
عشان كدة هو القسم الوحيد للي ليه اكتر من حاجة
والقسمين الاتنين يقدرو يشتغل في المصانع او التحاليل
السلام عليكم ورحمة الله وبركاته
واضح إن حضرتك معجب فعلا بالقسم وليك حق فى كده ودا لان القسم سهل جدا فى دراسته :rolleyes:
هى دى حقيقة الأمر ودا سبب التقديرات العالية اللى بيجيبها كل من يدخل قسم الميكروبيولوجى
المشكلة اللى انا استنتجتها اثناء دراستى وتأكدت منها بعد تخرجى هى إن سهولة القسم بتخليه غير فعال فى العمل على أرض الواقع
أو بمعنى أوضح بيتساوى خريج قسم الميكرو مع باقى الأقسام فى حالة وجود فرصة عمل ( ودا واقع لمسته فى الحياة العملية )
أنا خريج قسم حيوان كيمياء وبمجرد انتهاء دراستى فى القسم وتخرجى اشتغلت فى مستشفى القوات المسلحة اللى فى المعادى فى قسم الميكرو ومكافحة العدوى أيضاً ( Infection Control ) والحمد لله الشغل فى غاية السهولة واتعلمته فى وقت بسيط جدا
وبجد صعب عليا زمايلى اللى هما خريجى قسم الميكرو أساساً :cheer:
دا كله ما يقللش أبداً من متعة الدراسة وروعة علم الميكروبيولوجى
كمان فى نقطة عاوز اوضحها لحضرتك بالنسبة لقسم الحيوان والكيمياء اللى حضرتك بتقول ان خريجى القسم ده بيشتغلو بالكيماء بس :rolleyes:
قسم الحيوان بيدرس مواد فعالة ومهمة فى المعامل جدا يمكن أكتر من الميكرو والبيو وتقدر تسأل فيها الناس اللى فى معامل بره
1 - علم الدم Hematology
2 - علم الهرمونات والغدد الصماء Endocrinology
3 - علم وظائف الأعضاء Physiology
4 - علم الخلية والجينات والهندسة الوراثية cytology & Genetics
5 - علم الطفيليات Parasitology
6- علم الأنسجة وكيمياء الأنسجة وتجهيز العينات للفحص Histology & Histochemestry
بجانب التشريح وعلم الأجنة واللى بيفيد فى معرفة تركيب وتطور كل أعضاء الجسم
دى بعض المواد والفروع اللى فى القسم واللى بتفيد بشكل كبير فى المعامل
بيقدر خريج القسم انه يتعرف على الطفيليات اثناء الفحص ( بغض النظر عن نوع الفحص )
وبيقدر انه يعد كرات الدم الحمراء والبيضاء ويتعرف على الأشكال الغير طبيعيية لكرات الدم ودى بالذات من المفترض انها وظيفة دكتور المعمل فقط لصعوبتها وحجم مسؤلية هذا العمل ( وبنفسى شوفتها فى 3 معامل مختلفة إن دى كانت وظيفة دكتور المعمل ومش بيعمل غيرها كمان طول فترة تواجده فى المعمل ) والباقى بيعمله الكيميائى
والأمثلة كتير حضرتك هاتعرفها ان شاء الله فى محيط العمل الخارجى :rolleyes:
ودا كله بعلم الحيوان بس مش بالكيمياء
ربنا يوفقكوا جميعاً ان شاء الله فى دراستكوا ويعينكوا عليها وكل واحد يدخل القسم اللى بيحبه بس المهم تعرفوا كل شىء عن كل الاقسام قبل خطوة الإختيار علشان ماحدش يندم على قسم هو اختاره :rolleyes:
وفى النهاية الشغل والرزق دا نصيب ربنا كاتبه لكل إنسان من قبل ما يتولد :unsure:
تسجيل الدخول
التسجيل
المساعدة
